Olá Bôbo: o carnaval em verso

Transcrição de “Olá Bôbo”, de Adé, na “língu maquista”, o patuá.

Festa de Carnaval em 1939

Olá Bôbo

Cara limpo, cara suzo,

Vestí bôbo tudo iscondê;

Chacha véla lôgo olá

Si pôde jóvi parecê.

Dominó quelora suzo,

Nina-nina sã nádi usá;

Masquí seza Carnaval,

Nho-nhónha nunca sã igual!

Aqui bôbo, olá bôbo,

Ta passá na basso di janela!

Aqui bôbo, olá bôbo,

Tirá máscra pa nôs olá!

Nhónha jóvi, nhónha véla,

Qui capaz vai junto pandegá;

Bôbo tudo sã igual,

Qui muchado, qui donzela,

Vida sã unga Carnaval!

Gente pobre, gente rico,

Vestí bôbo pa divertí;

Chacha certo sabe olá

Si vôs sã vêm pa chicurí.

Tio Chai-Chai co Tico-Tico,

Olá saia mám ta cuçá:

Masquí seza Carnaval,

Hóme-hóme nunca sã igual!

Aqui bôbo, olá bôbo,

Ta passá na basso di janela!

Aqui bôbo, olá bôbo,

Tirá máscra pa nôs olá!

Nhónha jóvi, nhónha véla,

Qui capaz vai junto pandegá;

Bôbo tudo sã igual,

Qui muchado, qui donzela,

Vida sã unga Carnaval!